ایڈیلیڈ (نیوز ڈیسک)آئر لینڈ کے خلاف پاکستان کے آخری پول میچ میں قومی کرکٹ ٹیم میں 2 اہم تبدیلیوں کا امکان ہے،ذرائع کے مطابق دعویٰ کیا گیا ہے کہ آئر لینڈ کے خلاف پاکستان ٹیم کے آخری پول میچ میں 2 تبدیلیاں کی جائیں گی ۔ان ممکنہ تبدیلیوں میں عمر اکمل کی جگہ حارث سہیل کو کھلائے جانے کا امکان ہے جبکہ کسی ایک فاسٹ باؤلر کی جگہ سپنر یاسر شاہ کو موقع دیے جانے کا امکان ہے۔ذرائع کا کہنا ہے کہ ٹیم مینجمنٹ قومی ٹیم میں 2 تبدیلیاں کرنا چاہتی ہے لیکن اس کا حتمی فیصلہ وکٹ دیکھ کر کیا جائے گا ۔