ممبئی (نیوز ڈیسک)بھارتی فلمی صنعت بالی وڈ کے مشہور اداکار ارجن رامپال نے اپنی ’طلاق‘ کی خبروں کو جھوٹا قرار دیا اور میڈیا کو آڑے ہاتھوں لیا ہے۔ارجن رامپال نے ٹوئٹر پر اپنے غصے کا اظہار کرتے ہوئے لکھا: ’میں اور میری بیوی باندرا فیملی کورٹ میں طلاق فائل کرنے گئے تھے؟ کیا کسی نے اس بات کی جانچ پڑتال کرنے کی زحمت کی؟‘ارجن رامپال نے لکھا کہ دراصل وہ نہیں بلکہ ان کے دوست مارک ربسن اور ان کی بیوی باندرا کورٹ گئے تھے۔رامپال کا غصہ اتنے پر بھی ختم نہیں ہوا اور انھوں نے مزید لکھا: ’میں آج سے اپنی ذاتی زندگی کے بارے میں کسی بھی شخص کو انٹرویو نہیں دوں گا اور نہ ہی اس کے بارے میں میڈیا میں بات کروں گا۔ ارجن رامپال اور ان کی بیوی مہر جیس آ کے تعلقات کشیدہ ہیں۔ارجن رامپال نے ان خبروں کی مسلسل تردید کی ہے۔