لاہور(ویب ڈیسک) پاکستان کے 22الہ مارشل آرٹس ایکسپرٹ اور تائیکوانڈو بلیک بیلٹ ہولڈر احمد امین بودلہ نے ایک بار پھر ایک نیا گینز ورلڈ ریکارڈ قائم کرکے عالمی سطح پر ملک کا نام روشن کردیا۔ رپورٹ کے مطابق انہوں نے ایک ، ایک کلو وزن دونوں بازوئوں پر باندھ کر ایک گھنٹے میں 463 مکے مار کر عالمی ریکارڈ قائم کر دیا۔اس عالمی ریکارڈ کے ساتھ ہی احمد امین بودلہ 9 ورلڈ

ریکارڈز کے ساتھ گینز بک میں 9 جگہ موجود ہیں۔ اس سے قبل احمد امین بودلہ ایک منٹ میں 355ککس لگا کر ریکارڈ قائم کر چکے ہیں، یہ ریکارڈ اس سے پہلے امریکہ کے راؤل میزا کے پاس تھا جنہوں نے ایک منٹ میں 335ککس لگا کر یہ ریکارڈ قائم کیا تھا۔ بودلہ نے دوسرا ریکارڈ ایک گھنٹے میں زیادہ سے زیادہ ککس لگانے کا قائم کیا ہے۔ انہوں نے ایک گھنٹے میں 6,970 ککس لگا کر یہ ریکارڈ قائم کیا ہے۔ یہ ریکارڈ اس سے قبل بھارت کے مارشل آرٹسٹ جیانتھ ریڈی کے پاس تھا جنہوں نے ایک گھنٹے میں 4,344 ککس لگائی تھیں۔ ان دو نئے ورلڈ ریکارڈز کے ساتھ احمد امین بودلہ کے گینز ورلڈ ریکارڈز کی کل تعداد تین ہوگئی ہے۔ تین منٹ میں سب سے زیادہ ککس (783)کا ریکارڈ پہلے ہی ان کے پاس تھا۔ اس کے علاوہ زیادہ سے زیادہ پنچ اور نی ککس کے ریکارڈز کا بھی ابھی گینز کی طرف سے تصدیق کا انتظار ہے۔

موضوعات:تائیکوانڈو