ممبئی (نیوز ڈیسک) بالی وڈ موسیقار اے آر رحمان اپنے شاگرد خاموش شاہ کو فلم”ہنٹررز“ کےلئے بہترین موسیقی ترتیب دینے پر انہیں داد دینے ممبئی پہنچ گئے۔ بھارتی ذرائع ابلاغ کے مطابق بالی وڈ موسیقار اے آر رحمان جو کام کے سلسلے میں ممبئی سے باہر گئے ہوئے تھے، حال میں ان کے شاگرد موسیقار خاموش شاہ کی پہلی فلم”ہنٹررز“ میں موسیقی دیکھنے پر داد دینے کےلئے ممبئی پہنچ گئے۔ اے آر رحمان نے کہا کہ خاموش شاہ ان کے چہیتے شاگردوں میں سے ہیں، وہ بے حد فخر محسوس کررہے ہیں کہ وہ خاموش کے استاد ہیں جس نے موسیقی کی تربیت ان ہی کے میوزک سکول سے حاصل کی۔ خاموش نے فلم کی موسیقی لاجواب دی ہے جو قابل تعریف ہے۔ذرائع کے مطابق اس فلم کے گانے بپی لہری نے گائے ہیں اور فلم کی ہدایات و پروڈکشن ہرش وردھان کلکرنی نے دی ہیں۔ فلم کی اہم کاسٹ میں گلشن دیویا، رادیکا اپتے اور سائی تمہانکر شامل ہیں۔ فلم 20 مارچ کو سینما گھروں کی زینت بنے گی۔