ممبئی(نیوز ڈیسک)بھارتی سپر سٹار سلمان خان نے اپنی بہن ارپیتا خان کی شادی پر انہیں نہایت مہنگے تحائف دئیے لیکن حال ہی میں انہوں نے اپنی پیاری بہن کو ایک اور نہایت شاندار اور خوبصورت تحفہ دیا ہے جو لاکھوں کروڑوں کے کسی بھی اور تحفے سے زیادہ قیمتی بلکہ انمول ہے۔نجی ٹی وی کے مطابق ارپیتا خان نے اپنے انسٹا گرام پیج پر ایک پینٹنگ کی تصویر بھیجی ہے جس میں نماز کی ادائیگی کے مختلف انداز دکھائے گئے ہیں۔ ارپیتا کہتی ہیں کہ یہ ان کے بڑے بھائی کی طرف سے ان کے لئے ایک شاندار اور خوبصورت تحفہ ہے جس میں نماز کی ادائیگی کے مختلف انداز دکھائے گئے ہیں۔ 60 عدد چھوٹی تصاویر پر مشتمل اس پینٹنگ کی ایک اور دلچسپ بات یہ ہے کہ اسے سلمان خان نے خود اپنے ہاتھوں سے بنایا ہے۔ ارپیتا کا کہنا ہے کہ یہ تحفہ کسی بھی اور تحفے سے زیادہ قیمتی اور شاندار ہے۔