بھوبنیشور/نئی دہلی (آئی این پی)مشرقی بھارت میں ما ؤنواز باغیوں کے حملے میں 8 پولیس اہلکار ہلاک اور 5 دیگر زخمی ہو گئے۔بھارتی میڈیاکے مطابق پولیس حکام کا کہنا ہے کہ ریاست اڑیسہ کے علاقے کوراپت میں بارودی سرنگ کی زد میں آ کر پولیس کی ایک گاڑی تباہ ہو گئی

جس کے نتیجے میں 8 پولیس اہلکار ہلاک اور 5 دیگر زخمی ہو گئے۔ چین کے انقلابی رہنما مازے تنگ سے متاثر یہ باغی گزشتہ تین عشروں سے وسطی بھارت میں اپنی مسلح جدوجہد جاری رکھے ہوئے ہیں۔ نئی دہلی حکومت ان باغیوں کو ملکی سطح پر سب سے بڑا خطرہ قرار دیتی ہے۔ بھارت کی20 سے زائد ریاستوں میں ہزاروں ما نواز باغی ایسی مسلح تحریکیں جاری رکھے ہوئے ہیں۔