اسلام آباد(مانیٹرنگ ڈیسک) پاکستان کے عام انتخابات 2013کے دوران ملک کے اہم صوبے کے نگران وزیراعلیٰ اور غلام گردشوںکے رازدار نجی ٹی وی کے اینکرپرسن نے عمران خان کو حیران کن آفر کر ڈالی۔تفصیلات کے مطابق نجی ٹی وی ٹاک شو میں میزبان نے جب نجم سیٹھی سے سوال پوچھاکہ عمران خان نے کرکٹ گول میز کانفرنس میں شرکت کی شرط کرکٹ بورڈ حکام کے استعفوں سے مشروط کر دی ہے

اس پر آپ کیا کہیں گے تو نجم سیٹھی کے جواب نے اینکر کو نہ صرف ہنسنے پر مجبور کر دیا بلکہ حیران بھی کر دیا۔ نجم سیٹھی کا کہنا تھا کہ ہم جانے کے لئے تیار ہیں شرط یہ ہے کہ عمران خان آکر کرکٹ کے معاملات سنبھال لیںانہوں نے پی سی ایل کی افتتاحی تقریب میں عمران خان کو مدعو کرنے کے سوال پر کہا کہ میری طرف سے سب کو دعوت عام ہے جو آنا چاہے آ سکتا ہے کسی پر پابندی نہیں۔ان کا کہنا تھا کہ میری تمام تر توجہ پی سی ایل پر مرکوز ہے۔