نئی دہلی( مانیٹرنگ ڈیسک)ورلڈ بلائنڈ ٹی 20 کپ میں پاکستان کرکٹ ٹیم نے مسلسل تیسری کامیابی حاصل کر لی ہے۔ تفصیلات کے مطابق پاکستان بلائنڈ کرکٹ ٹیم نے بھارت میں ورلڈ بلائنڈ ٹی 20کپ میں مسلسل تیسری کامیابی حاصل کرتے ہوئے روایتی حریف بھارت کو 7وکٹ سے شکست دے دی ہے۔میچ کی اختتامی تقریب کے موقع پر بھارت میں تعینات پاکستانی سفیر عبدالباسط بھی پاکستانی ٹیم کا حوصلہ بلند کرنے کیلئے موجود تھے ۔اس سے قبل دوسرے میچ میں پاکستان بلائنڈ کرکٹ ٹیم نےمسلسل دوسری کامیابی سمیٹتے ہوئے انگلینڈ کو 97 رنز سے شکست دی تھی۔ اپنے دوسرے میچ میںپاکستان نے پہلے کھیلتے ہوئے انگلینڈ کیخلاف مقررہ 20 اوورز میں 4 وکٹ کے نقصان پر 296 رنز بنائے اور انگلینڈ کو جیتنے کیلئے 297 رنز کا ہدف دیا تھا۔انگلینڈ کی ٹیم نے جواب میں 200 رنز بنائے اور اس طرح پاکستان نے انگلینڈ کو 97 رنز سے ہراکر دوسری کامیابی حاصل کی۔

موضوعات:ورلڈبلائنڈٹی 20کپ