لاہور ( این این آئی)پاکستان بھر میں ہواوے میٹ9کی شاندار پذیرائی کے بعد ہواوے پاکستان نے سب سے زیادہ فروخت ہونے والے اس اسمارٹ فون کے کلاسیکل ورژن ہواوے میٹ9میٹ بلیک کی پری بکنگ کا آغاز کردیا ہے ۔میٹ بلیک کی پری بکنگ کا آغاز آن لائن شاپنگ ویب سائٹ Daraz اور ہواوے برانڈ شاپس سے 25جنوری کو

کیا گیا۔صارفین 25جنوری سے Darazاور ہواوے برانڈ شاپس سے میٹ بلیک کی پری بکنگ پر محدود مدت کیلئے نہ صرف قیمتی انعامات حاصل کرسکیں گے بلکہ انہیں دیگر ترجیحی خدمات بھی فراہم کی جائینگی،گفٹ باکس میں ہواوے کی مصنوعات کے ساتھ سپر فاسٹ ہواوے چارجر بھی شامل ہے ۔ہواوے میٹ9نے حال ہی میں کنزیومر الیکٹرانکس شو2017میں اپنی جدت،انفرادیت اور تکینکی مہارت کے باعث متعدد ایوارڈز بھی حاصل کئے تھے،کنزیومر شو میں ہواوے میٹ 9کو اس کی 4GBریم اور طاقتور Kirin 960چپسٹ کی بدولت بہترین ڈیوائس قرار دیا گیا،ہواوے میٹ9آرٹیفشل انٹیلی جنس مشین لرننگ پروگرام سے بھی لیس ہے جو کہ اسے یوزر فرینڈلی اور استعمال میں تیز ترین بناتا ہے،ہواوے میٹ9سپر چارج بیٹری سے لیس ہے،اس کی 5.9انچ کی فل ایچ ڈی اسکرین انتہائی واضح تصویر کی فراہمی کو یقینی بناتی ہے ،میٹ9کا ڈیول لینس لیسیا کیمرہ فوٹو گرافی کیلئے انتہائی آئیڈیل ہے،سپر فاسٹ فنگر پرنٹ سینسر اور جاذب نظر ڈیزائن کے ساتھ میٹ9بلاشبہ پسند کی جانے والی ڈیوائس ہے،میٹ 9خوبصورت اور دیدہ زیب رنگوں میں دستیاب ہے جبکہ جلد ہی بلیک کلر میں بھی میٹ9متعارف کرادیا جائیگا۔