شکرگڑھ(آئی این پی) سنگدل باپ نے اپنی 2 ننھی بچیوں کو ریت میں دفن کر دیا۔ 8 سالہ بچی جاں بحق جبکہ 10 سالہ بچی کو تشویشناک حالت میں ہسپتال منتقل کر دیا گیا۔شکرگڑھ کے گاؤں دین پور کے ڈرائیور امجد نے اپنی اکلوتی بیٹیوں 8 سالہ مریم اور 10 سالہ زینب کو تیار کر کے موٹرسائیکل پر بٹھا کر سیر کرنے کے بہانے گھر سے باہر لے گیا۔رات تک واپس گھر نہ آنے پر بچیوں کی ماں نے اپنے خاوند امجد کو فون کیا۔ امجد نے فون پر بتایا کہ اس نے اپنی دونوں بچیوں کو دفن کر دیا ہے۔

فون سننے کے بعد سے بچیوں کی ماں سکتہ میں ہے اور کسی سے بات کرنے کے قابل نہیں ہے۔مقامی لوگوں نے بچیوں کو ریت سے نکالا تو 8 سالہ مریم دم توڑ چکی تھی جبکہ 10 سالہ زینب بے ہوش تھی جسے تشویشناک حالت میں لاہور ہسپتال ریفر کر دیا گیا۔ پولیس نے ملزم کو گرفتار کر لیا ۔پولیس کا کہنا ہے ملزم کے کچھ عرصہ پہلے سر پر چوٹ لگی تھی جس کی وجہ سے اس کا ذہنی توازن درست نہیں لگتا جبکہ اہل علاقہ کا کہنا ہے ڈرائیور امجد بظاہر کام کاج نارمل انداز میں کرتا لیکن کہا جاتا تھا کہ اس کا ذہنی حالت درست نہیں ۔