لاہور(آئی این پی) لاہور ہائیکورٹ نے طالبہ سے اجتماعی زیادتی کیس کے مرکزی ملزم عدنان ثنااللہ کے بیرون ملک فرار ہونے پر ضمانت منسوخ کر دی۔جمعہ کے روز لاہور ہائیکورٹ کے سینئر ترین جج جسٹس شاہد حمید ڈار نے حکومتی اپیل پر سماعت کی جس میں ملزم عدنان ثنا اللہ کی ماتحت عدالت سے ضمانت منظور کرنے کے فیصلے کو چیلنج کیا گیا
۔سماعت کے دوران ایڈیشنل پراسیکیواٹر جنرل نے عبدالصمد نے بتایا کہ ڈی این اے ٹیسٹ کی رپورٹ کے مطابق ملزم کی لڑکی سے زیادتی ثابت ہوئی لیکن ماتحت عدالت نے حقائق نظر انداز کرتے ہوئے ملزم کی ضمانت منظور کر لی۔جس کے بعد ملزم عدنان ثناء اللہ بیرون ملک فرار ہو گیا۔ ایڈیشنل پراسیکیوٹر جنرل نے موقف اپنایا کہ ملزم نے ماتحت عدالت سے ضمانت منظور ہونے کا ناجائز فائدہ اٹھایا۔ لہٰذا اس کی ضمانت منسوخ کی جائے، ریس کورس پولیس کی جانب سے عدالت کو بتایا گیا کہ ملزم اسلام آباد کے راستے دبئی فرار ہو چکا ہے، ۔ فاضل عدالت نے ملزم کے پیش نہ ہونے اور بیرون ملک فرار ہونے پر اس کی ضمانت منسوخ کر دی۔
