اسلام آباد(آئی این پی)سپیکر قومی اسمبلی سردار ایاز صادق نے وزیر اعظم سے متعلق تحریک استحقاق کے بارے میں اپنی سابقہ رولنگ پر ممکنہ جائزہ لینے کیلئے قانونی ماہرین سے مشاورت کا اعلان کر دیا۔ انہوں نے اپوزیشن جماعتوں سے کہا ہے کہ ایوان میں اس معاملہ پر بات کرنے کیلئے احتیاط سے کام لیاجائے ۔

کوئی ایسی بات نہ کی جائے جس سے عدالتی کیس پر اثر انداز ہونے کا تاثر جائے۔اس امر کا اظہار سپیکر قومی اسمبلی نے جمعرات کو ایوان میں اپوزیشن لیڈر سید خورشید شاہ کے اظہار خیال کے بعد کیا۔ سپیکر نے ایوان کو بتایا کہ وہ اس معاملے پر دی گئی اپنی رولنگ کا چیمبر میں ابتدائی طور پر جائزہ لے رہے ہیں۔ قانونی ماہرین سے مشاورت کرونگا کہ کیا اس رولنگ کا کسی حد تک جائزہ لیا جا سکتا ہے