لاہور(آئی این پی) لاہوریوں کے لیے خوشخبری، واہگہ بارڈر اور گریٹر اقبال پارک جانے والے شائقین کے لیے ڈبل ڈیکر بس سروس شروع کرنے کا فیصلہ ۔تفصیلات کے مطابق لاہور کی ثقافت کو اجاگر کرنے کے لیئے محکمہ سیاحت پنجاب نے ڈبل ڈیکر بسوں کے ذریعے نئے اور پرانے لاہور سے سیاحوں کو روشنا س کروایا ۔

ابتدائی طور پر دو ڈبل ڈیکر بسوں کے ذریعے سیاحوں کو قذافی اسٹیڈیم تا فوڈ اسٹریٹ تک سیر کروائی جاتی تھی تاہم اب سیاحوں کے شوق کے مد نظر محکمہ سیاحت پنجاب نے نئی آنے والی تین بسوں کے روٹ میں ردوبدل کا فیصلہ کیا ھے جس کے تحت اب شہری قذافی اسٹیڈیم سے ڈبل ڈیکر بس میں بیٹھ کر گریٹر اقبال پارک اور واہگہ بارڈر جا سکیں گے۔واہگہ بارڈر جانے کے لیے شہری جلو موڑ سے ڈبل ڈیکر بس میں سوار ہوں گے۔