اسلام آباد (آن لائن)وفاقی وزیر انفارمیشن ٹیکنالوجی انوشہ رحمن کی درخواست پر قائمہ کمیٹی کے چیئر مین کیپٹن (ر)صفدر نے کہا کہ آپ ہمیں خوبصورت کارڈ بھیج دیں تب ہم وزارت میں وزٹ کرنے آئیں گے جس کو انوشہ رحمن نے مسترد کر دیا۔ قومی اسمبلی کی قائمہ کمیٹی برائے انفارمیشن ٹیکنالوجی کا اہم اجلاس پارلیمنٹ میں ہوا جس میں انوشہ رحمن نے کہا کہ 3سال میں ہماری وزارت نے بہترین کام کیا۔
آپ ہماری وزارت کا وزٹ کریں جس پر کیپٹن (ر)صفدر نے انوشہ رحمن سے فرمائش کی کہ ہمارے لئے خوبصورت کارڈ بھیج دیں ہم آجائیں گے جس کو انوشہ رحمن نے مسترد کر دیا اور کہا کہ میں وزارت کے پیسے کو احتیاط سے خرچ کرتی ہوں اس لئے خوبصورت کارڈ نہیں بھیج سکتی ہوں جس پر اراکین نے ہلکا سا قہقہ لگایا۔
