لندن (آئی این پی)پاکستانی نژاد برطانوی باکسر عامر خان کی اہلیہ فریال مخدوم نے ایک بار پھر سسرال کیخلاف زبان کھولتے ہوئے کہا ہے کہ عامر کے گھر والوں نے شادی میں شرکت کی دعوت ہی نہیں دی تو کیسے شرکت کرتے؟ دوسری جانب عامر خان کے بھائی ہارون خان نے فریال مخدوم سے شادی کی مبارک باد نہ دینے کا شکوہ بھی کرڈالا۔
عامر خان کی اپنے بھائی کی شادی میں شرکت نہ کرنے کہ وجہ سامنے آگئی ہے عامر خان کی اہلیہ فریال مخدوم اس معاملے پر کہا ہے کہ انھیں ہارون خان کی شادی میں شرکت کی دعوت نہیں دی گئی اس صورت میں حال میں عامر خان اپنی اہلیہ کے ساتھ کھڑے نظر آرہے ہیں جنہوں نے سان فرانسکو میں ایک ٹی وی شو میں اپنی بیوی فریال مخدوم کے ہمراہ شرکت کی اس انٹرویو میں پاکستانی نژاد برطانوی باکسر عامر خان کی بیوی نے اپنی شادی کے خوش گوار انداز بتائے ۔دوسری جانب عامر خان کے بھائی ہارون خان نے اپنی بھابی کو فوری جواب دیتے ہوئے شکوہ کیا ہے کہ فریال مخدوم نے انھیں شادی کی مبارک باد تک نہیں دی۔واضح رہے کہ عامر خان اپنی اہلیہ اور والدین کے مابین اختلاف اور اپنی ایک مبینہ فحش ویڈیو منظرعام پر آنے کے سبب میڈیا کا سامنا کرنے سے گریز کررہے ہیں اس ویڈیو پر انہوں نے ردعمل دینے سے بھی انکار کر دیا ہے۔
