لاہور ( این این آئی) صوبائی وزیر قانون و پارلیمانی امور رانا ثناء اللہ خاں نے کہا ہے کہ سپریم کورٹ سے تابوت نہیں، فیصلے آتے ہیں ارو انکے فیصلوں کو سب کو تسلیم کرنا چاہیے ،شیخ رشید کی بات کو خوب سمجھتے ہیں اور اگر ایسا ہوا تو ایک تابوت لال حویلی جبکہ دوسرابنی گالا سے نکلے گا۔پنجاب اسمبلی کے اجلاس میں شرکت سے قبل میڈیا سے گفتگو کرتے ہوئے رانا ثنااللہ نے کہا کہ

عمران خان نامناسب لہجے میں جواب دیتے ہیں جبکہ شیخ رشید کو بھی یہی کہنا چاہوں گاکہ ہماری زبان کنٹرول میں ہے۔ انہوں نے کہاکہ سپریم کورٹ سے تابوت نہیں، ہمیشہ فیصلے نکلتے ہیں اور پر امید ہیں کہ سپریم کورٹ میں بہترین جج موجود ہیں۔ انہوں نے کہاکہ وہ شیخ رشید کی بات کوخوب سمجھتے ہیں اور وہ یاد رکھیں کہ اگر ایسا ہوا تو ایک تابوت لال حویلی اور بنی گالا سے بھی نکلے گا۔رانا ثنااللہ نے کہاکہ شیخ رشید مسلم لیگ (ن) پر تنقید کرنے سے قبل یاد رکھیں کہ بارہ اکتوبر انیس سوننانوے تک وہ بھی مسلم لیگ ن کے ہی وزیر تھے ور پھرآٹھ ماہ غائب رہے۔