پشاور(این این آئی)وزیراعلیٰ خیبرپختونخوا پرویز خٹک سے عوامی نیشنل پارٹی کے سیکرٹری اطلاعات یو ایس اے عبد اﷲ عابد نے وزیراعلیٰ ہاؤس پشاور میں ملاقات کی اور پاکستان تحریک انصاف میں شمولیت کا اعلان کیا ۔وزیراعلیٰ نے موصوف کی تحریک انصاف میں شمولیت کا خیر مقدم کیا اور کہاکہ انہوں نے تحریک انصاف میں شامل ہو کر درست فیصلہ کیا ہے۔
وزیراعلیٰ نے کہاکہ تحریک انصاف حقیقی معنوں میں ایک جمہوری ، سیاسی پارٹی ہے جس نے ذاتی مفادات پر مبنی روایتی طرز سیاست کو دفن کیا ہے اور قومی مفاد میں عوامی خدمت پر مبنی سیاست کو فروغ دیا ہے۔تحریک انصاف عبد اﷲ عابد کے فیصلے کو قدر کی نگاہ سے دیکھتی ہے اور اُنہیں تبدیلی کے عمل میں کردار ادا کرنے کابھر پور موقع دیا جائے گا۔
