لندن ( آن لائن ) ملکہ الزبتھ دوم برطانیہ میں پائی جانے والی ہر ڈولفن کی مالکن ہیں۔ انہیں ڈرائیو کرنے کے لیے کسی لائسنس کی ضرورت نہیں ، ملکہ ایسی ہی مزید کئی ناقابل یقین پاورز اپنے پاس رکھتی ہیں۔برطانیہ کی نوے سالہ ملکہ ہم سب سے الگ ہیں۔ وہ بطور ملکہ کئی طرح کے اختیارات کی مالک ہیں ،وہ دریائے ٹیمز میں موجود راج ہنسوں اور برطانیہ بھرمیں پائی جانے والی ڈولفنز کی مالکن ہیں۔
وہ برطانیہ کی واحد شخصیت ہیں جو قانونی طور پر ڈرائیونگ لائسنس کے بغیر گاڑی چلا سکتی ہیں۔ ان کی کار پر کوئی نمبر پلیٹ نہیں ہے۔ملکہ کو کسی بھی ملک جانے کے لیے پاسپورٹ کی ضرورت نہیں۔ ملکہ الزبتھ دوم دو سالگرہ مناتی ہیں ، وہ ٹیکس دینے سے بری الزمہ ہیں ، ملکہ کی اپنی ذاتی کیش مشین بکنگھم پیلس کے تہہ خانے میں نصب ہے ،انہیں قانون اور کسی بھی شخص کو برطانوی پارلیمنٹ کا رکن بنانے کا اختیار حاصل ہے۔ آسٹریلیا کی ہیڈ آف سٹیٹ ہونے کی وجہ سے وہ پوری آسٹریلوی حکومت کو فارغ کر دینے کا اختیار بھی رکھتی ہیں۔واضح رہے کہ ملکہ برطانیہ اتنے طاقتور ترین اختیارات ہونے کے باوجود قوانین کی پاسداری کرتی ہیں۔ ایک بار ملکہ برطانیہ گاڑی چلاتے ہوئے ٹریفک سگنل توڑنے پر بھاری جرمانے کا سامنا بھی کر چکی ہیں۔
