نیویارک (نیوز ڈیسک )ماہر فن کار نے سکوں کی مدد سے آرٹ کے دلکش نمونے تیار کر لئے۔دنیا میں کئی ایسے ماہرآرٹسٹ ہیں جواظہارِ فن کے نت نئے طریقے اپناتے ہوئے دیکھنے والوں کوحیرت زدہ کر دینے کی کمال صلاحیت رکھتے ہیں۔امریکا سے تعلق رکھنے والے رابرٹ کا شمار بھی ایسے ہی لوگوں میں کیا جائے تو کچھ غلط نا ہو گاجو سِکوں کے ذریعے دیدہ زیب شاہکار تخلیق کرنے میں اپنا ثانی نہیں رکھتا۔ رابرٹ پرانے اور نا قابلِ استعمال سِکوں کو اس طرح تراش کر ترتیب دیتا ہے کہ اس مجموعے سے مبہوت کن نمونے تخلیق پا جاتے ہیں۔ یہ ماہر آرٹسٹ ان شاہکاروں کو تیار کرنے پر کئی انعامات بھی حاصل کر چکا ہے جنہیں آرٹ کے دلدادہ افراد دیکھ کراسکی صلاحیت کو جی بھر کر داد بھی دیتے نظر آتے ہیں۔