بہاول پور(آن لائن) قائم پور کے عابد نامی نوجوان نے شی میل سے مبینہ شادی کرلی۔ تفصیل کے مطابق دو دن قبل قائم پور کے محمد عابد نامی نوجوان نے خانیوال کے رہائشی چاہت عرف کاکانامی شی میل سے قائم پور میں مبینہ شادی کی۔ تقریباً 50,40 شہریوں نے شرکت کی۔تقریب میں موجود لوگوں نے میڈیا کو بتایا کہ چاہت عرف کاکا

نے عروسی جوڑا زیب تن کررکھا تھا۔ مبینہ نکاح کے موقع پر محمد عابد اور چاہت نے ساتھ جینے مرنے کی قسمیں کھائیں اور باقاعدہ رخصتی کی گئی اور ہنی مون بہاولپور میں منانا طے ہوا تھا۔ اس سلسلے میں جب پولیس تھانہ قائم پور کے ایس ایچ او لیاقت علی گل سے پوچھا گیا تو انہوں نے لاعلمی کا اظہار کیا۔قائم پور کے عالم دین مولانا محمد شفیق نے بتایا کہ مسلمان شی میل سے نکاح نہیں کرسکتا۔ ایسا کام کرنے والا شخص دائرہا سلام سے خارج ہوجاتا ہے۔ سینئر وکیل رائو بابر علی نے بتایا کہ ملزمون کے خلاف 295/C ایکٹ کے تحت قانونی کارروائی ہوسکتی ہے۔