اسلام آباد (مانیٹرنگ ڈیسک)ملک بھرمیں کل سے بارشوں کا نیا سلسلہ شروع ہونے کے ساتھ پہاڑوں پربرفباری کا امکان ہے۔ محکمہ موسمیات کے مطابق پنجاب، بلوچستان اور خیبرپختونخوا میں بارشوں کا نیازبردست سلسلہ کل سے شروع ہوگا۔ کراچی میں آج سورج اوربادلوں کی آنکھ مچولی جاری رہنے کا امکان ہے جبکہ شہرمیں کم سے کم درجہ حرارت 12 ڈگری سینٹی گریڈ

تک جا سکتا ہے۔ اس وقت کراچی کی ہوا میں نمی کا تناسب 40 فیصد ہے جبکہ 25 جنوری کو رم جھم بھی ہوسکتی ہے۔ اس کے علاوہ کوئٹہ، ژوب اور قلات ڈویژن میں پہاڑوں پر برفباری کا امکان ہے۔ڈی جی میٹ ڈاکٹرغلام رسول کا کہنا ہے کہ بارشوں کا تیسرا سلسلہ خیبر پختونخوا، بالائی اورشمالی علاقوں کی جانب بڑھے گا، بارشوں کا سلسلہ جنوب سے شروع ہوکربلوچستان میں داخل ہو رہا ہے اوربلوچستان کی خشک سالی ختم کرنے کیلیے یہ بارشیں مفید ثابت ہوں گی ۔نجی ٹی وی چینل ARYکی رپورٹ کے مطابق راولپنڈی انتظامیہ نے ممکنہ تباہ کن بارشوں سے نمٹنے کیلئے رین ایمرجنسی نافذ کر دی ہے۔ اس ضمن میں تمام متعلقہ ملازمین کی چھٹیاں منسوخ کر دی گئی ہیں۔