راولپنڈی (این این آئی) افواج پاکستان کی اعلیٰ ظرفی کی نئی تاریخ رقم ہو گئی ۔ پاکستان نے بھارتی کمانڈرز کے ناروا سلوک پر ایل او سی عبور کر کے آنیوالے بھارتی فوجی چندو بابو لال چوہان کو انسانی بنیادوں پر بھارتی حکام کے حوالے کر دیا ہے۔ آئی ایس پی آر کے مطابق لائن آف کنٹرول پر تعینات بھارتی فوج کے سپاہی چندو بابو لال چوہان

اپنے کمانڈرز کے ناروا سلوک پر اپنی چوکی چھوڑ کر 29 ستمبر 2016ء کو ایل او سی عبور کر کے آگیا تھا اور خود کو پاکستان آرمی کے حوالے کردیاتھا۔ پاکستان نے خیر سگالی کے جذبے، ایل او سی اورورکنگ بائونڈری پر امن قائم رکھنے کی کوششوں کو جاری رکھتے ہوئے سپاہی چندو بابو لال چوہان کو اپنے ملک واپسی پر قائل کیا گیا جس کے بعد آج اسے بھارتی فوج کے حوالے کر دیا گیا جبکہ پاک فوج کے جوانوں نے اسے تحفے تحائف بھی دیے ۔