کوئٹہ (مانیٹرنگ ڈیسک) صوبائی وزیر داخلہ بلوچستان سرفراز بگٹی کے ہیلی کاپٹر نےکریش لینڈنگ کی ہے تاہم حادثے میں وزیر داخلہ سمیت دیگر افراد معجزانہ طور پر محفوظ رہے۔ایک نجی ٹی وی کے مطابق صوبائی وزیرداخلہ سرفرازبگٹی بذریعہ ہیلی کاپٹرقلات کے دورے پرجارہے تھے کہ اس دوران ہیلی کاپٹر کے ہیڈرالک فیل ہو گئے جس کے بعد کریش لینڈنگ کرنا پڑی۔
پائلٹ نے کمال مہارت سے ہیلی کاپٹر کو بڑے حادثے سے بچاتے ہوئے کامیابی سے زمین پر اتارا۔فنی خرابی کے باعث ہیلی کاپٹر کو واپس کوئٹہ لینڈ کرایا گیا جبکہ ہیلی کاپٹر میں وزیر داخلہ سرفرازبگٹی اور عملے سمیت سات افراد سوار تھے۔
