کراچی (مانیٹرنگ ڈیسک) نجی ٹی وی سے گفتگو کرتے ہوئے سابق صدر آصف زرداری کے ماضی کے ساتھی اور سابق وفاقی وزیر سردار نبیل گبول نے کہا ہے کہ ایان علی نے لب کشائی کا فیصلہ کر لیا ہے اور وہ چند دن میں دھماکہ خیز انکشاف کرنے والی ہیں۔ ماڈل بتائیں گی کہ انہیں بیرون ملک کیوں جانے نہیں دیا جارہا۔ نبیل گبول نے کہا کہ ہو سکتا ہے ایان علی کے انکشافات سابق

صدر کیلئے بڑی مصیبت کھڑی کر دیں۔نجی ٹی وی سے گفتگو کرتے ہوئے انہوں نے کہا کہ سپر ماڈل ایان علی جو انکشافات کریں گی اس کا پانامہ معاملہ پر بھی اثر ہوگا۔ یادرہے کہ ایان علی سے پانچ لاکھ ڈالر کے قریب رقم ایئرپورٹ پر برآمد ہوئی تھی جس کے بعد ان پر کرنسی سمگلنگ کا مقدمہ بنایا گیا اور تب سے وہ عدالتوں کے دھکے کھارہی ہیں جبکہ مبینہ طورپر اس کام میں ان کے ساتھ ملوث افراد پرسکون زندگی بسر کررہے ہیں۔