اسلام آباد+مدینہ منورہ(آئی این پی)قائدجمعیت علمائے اسلام (ف) مولانافضل الرحمن عمرے کی ادائیگی اورانٹرنیشنل تحریک ختم نبوت کے امیراورروحانی شخصیت مولاناعبدالحفیظ مکی کی نمازجنازہ میں شرکت کے لئے سعودی عرب پہنچ گئے انہوں نے روضہ اقدسؐ پرحاضری دی اوراس کے بعدمولاناعبدالحفیظ مکی کی نمازجنازہ اورتدفین میں شرکت کی،

قائدجمعیت اپنے دورہ سعودی عرب کے دوران مختلف تقریبات میں شرکت کریں گے اورصدسالہ عالی اجتماع کے حوالے سے اہم رہنماؤں سے ملاقاتیں کریں گے اور30جنوری کوواپس پاکستان آئیں گے،ان کی غیرموجودگی میں مولاناقمرالدین مرکزی قائم مقام امیرہوں گے۔