اسلام آباد(آن لائن)پانامہ کیس میں پریشان مسلم لیگ (ن) کے رہنما دانیال عزیز آپے سے باہر ہو کر صحافیوں پر چڑھ دوڑے، پیسے لینے کے الزام تھوپ دیا۔تفصیلات کے مطابق جمعرات کے روز مسلم لیگ (ن) کے رہنما دانیال عزیز سپریم کورٹ سے جوں ہی باہر میڈیا پر بات کرنے کے لئے آئے تو
صحافی نے ان سے ایک سوال کیا جس پر دانیال عزیز آپے سے باہر ہو کر صحافی کو جواب دینے لگے کہ تمہیں اس سوال پوچھنے کے کتنے پیسے ملے ہیں ؟جس پر وہاں پر موجود صحافی بھی پھٹ پڑے اور دانیال عزیز کو جواب میں کہا کہ پیسے لینے والوں کی شکلیں واضح طور پر نظر آرہی ہیں جس کے بعد دانیال عزیز فوری طور پر وہاں سے رفوچکر ہو گئے۔
