اسلام آباد (مانیٹرنگ ڈیسک ) لیگی سینیٹر اور عمران خان کے قافلے کی گاڑیاں آپس میں ٹکرا گئیں ۔نجی ٹی وی چینل کے مطابق چیئرمین تحریک انصاف عمران خان پاناما کیس کی سماعت کیلئے بنی گالہ سے سپریم کورٹ کیلئے روانہ ہوئے تو انکے ساتھ قافلے میں موجود تین گاڑیاںلیگی سینیٹر چودھری تنویر کے قافلے میں موجود گاڑیوں سے ٹکرا گئیں تاہم اس دوران کوئی جانی نقصان نہیں ہوا ۔ذرائع کا کہنا ہے کہ لیگی سینیٹر اور پی ٹی آئی چیئرمین کے سکواڈ میں شامل گاڑیوں کو حادثہ پارلیمنٹ ہاؤس کے سامنے تیز رفتاری کے باعث پیش آیا ۔حادثے کا شکار ہونے والی گاڑیوں کو شدید نقصان پہنچا ہے تاہم اس دوران عمران خان اور لیگی سینیٹر چودھری تنویر سمیت کسی پارٹی رہنما کے زخمی ہونے کی اطلاع نہیں ملی ۔ حادثے کے بعد عمران خان اور دیگر رہنماؤں کو دوسری گاڑی میں سپریم کورٹ کیلئے روانہ کیا گیا ۔

موضوعات:عمران خان