لاہور (مانیٹرنگ ڈیسک)وزیراعلیٰ پنجاب شہباز شریف کے قتل کا منصوبہ بے نقاب ہوگیا، پولیس مقابلے میںماراجانے والا ایک کالعد م تنظیم کارہنماآصف چھوٹووزیراعلی پنجاب پرحملہ کرنے کی پلاننگ کررہاتھا۔ایک نجی ٹی وی کے مطابق انسداد دہشت گردی ڈپارٹمنٹ کے افسران نے دعویٰ کیا ہے کہ پولیس نے ایک کالعدم تنظیم کا رہنماآصف چھوٹوشہبازشریف کوقتل کرناچاہتاتھا ۔ پولیس حکام نے بتایاکہ پولیس مقابلے میں گزشتہ روزمارے جانے والےآصف چھوٹومعروف کالم نگارعطاالحق قاسمی کوبھی نشانہ بنانےچاہتاتھا ۔

پولیس حکام نے بتایاکہ ملزمان معروف شخصیات سے بھتے کامطالبہ بھی کرتے رہے ہیں ۔افسران کامزید کہناہے کہ آج دہشت گردی اور ٹارگٹ کلنگ کا ایک باب بند ہوگیا، مارے گئے دہشت گرد بے رحمانہ قتل کی وارداتوں کیلئے آلہ کار تھے۔واضح رہے کہ گزشتہ رات شیخوپورہ بائی پاس کے قریب محکمہ انسداد دہشت گردی نے کامیاب کارروائی کے دوران کالعدم تنظیم سےتعلق رکھنے والےدہشت گرد رضوان عرف آصف چھوٹو کو 3 ساتھیوں سمیت ہلاک کردیا۔ان ہلاک ہونے والے دیگردہشتگردوں کی شناخت ڈاکٹرشاکراللہ عرف علی سفیان اورنورالامین کے نام سے ہوئی جبکہ ایک دہشتگرد کی شناخت نہ ہوسکی جبکہ مظفر گڑھ ضلع سے تعلق رکھنے والے دہشت گرد آصف چھوٹو کے سر کی قیمت 30 لاکھ روپے مقرر کی گئی تھی۔

موضوعات:قتل