اسلام آباد(نیوز ڈیسک) شمالی ارجنٹائن میں 2 ہیلی کاپٹر ہوا میں آپس میں ٹکرا کر تباہ ہونے سے 10 افراد ہلاک ہو گئے۔غیر ملکی خبر رساں ادارے کے مطابق شمالی ارجنٹائن کے پہاڑی علاقے لا ریوجا میں 2 ہیلی کاپٹرز کے ہوا میں ٹکرا کر تباہ ہو گئے جس کے نتیجے میں 10 افراد ہلاک ہو گئے۔ ہلاک ہونے والوں میں فرانس کے ایک رئیلٹی شو کے افراد بھی شامل ہیں۔ تباہ ہونے والے ہیلی کاپٹرز میں سے ایک لا ریوجا صوبے کا تھا جب کہ دوسرا سانتیاگو حکومت کی ملکیت تھا۔ حادثے کی وجوہات کے بارے میں تاحال کچھ پتہ نہیں چل سکا ہے۔دوسری جانب مقامی میڈیا کا کہنا ہے کہ ہیلی کاپٹرز میں میڈیا نمائندوں کو ایک غیر ملکی رئیلٹی شو کی عکسبندی کے لئے لے جایا جا رہا تھا کہ انہیں حادثہ پیش آگیا