کراچی(نیوزڈیسک)ایم کیو ایم کی باغی رہنما کی پاکستان واپسی،بڑا اعلان کردیا، ایم کیو ایم کی سابق رکن سندھ اسمبلی ارم عظیم فاروقی کراچی پہنچ گئیں، کہتی ہیں نہ میرا ایم کیو ایم پاکستان سے تعلق ہے، نہ لندن سے۔ ان کا یہ بھی کہنا تھا کہ پی ایس پی میں جانے کا سوچ بھی نہیں سکتی۔ارم عظیم نے کہا کہ میری سندھ کی بڑی سیاسی جماعت کے رہنماؤں سے امریکہ میں ملاقات ہوئی، جلد اہم اعلان کرنے جا رہی ہوں۔

یاد رہے کہ ارم عظیم سابق رکن سندھ اسمبلی ہیں۔ وہ اپریل 2016ء میں کراچی سے امریکہ گئی تھیں۔ جبکہ 22اگست2016ء کو ایم کیو ایم کی رکن سندھ اسمبلی ارم عظیم فاروقی نے الطاف حسین کی پاکستان مخالف تقریر پر احتجاج کرتے ہوئے رکنیت سے استعفی دے دیا تھا۔ ارم عظیم کا کہنا تھا کہ ہم پاکستانی ہیں اور الطاف حسین ہم سے پاکستان مردہ باد کے نعرے لگوانا چاہتے ہیں جو کہ کسی صورت قابل قبول نہیں ہے۔ واضح رہے کہ ارم عظیم فاروقی ان دنوں امریکی شہر نیویارک میں موجود ہیں۔‎