کراچی(این این آئی) پاکستان نے ترقی کرنیوالی معیشتوں میں بھارت کوپیچھے چھوڑ دیا۔ ترقی کرنے والی معیشتوں میں پاکستان کا نمبر 52 اور بھارت کا60 ہے۔ورلڈ اکنامک فورم کی2017 کی رپورٹ جاری کردی گئی ہے، رپورٹ میں مجموعی معاشی ترقی کے لحاظ سے ناروے کو سرفہرست قرار دیا گیا ہے۔لکسمبرگ دوسرے اور سوئٹزرلینڈ تیسرے نمبر پر ہے۔
فہرست میں برطانیہ کو21 ، امریکا کو23 اور جاپان کو 24نمبر پر جگہ ملی ہے۔ پاکستان کا نمبر 52 ہے اور بھارت کا نمبر60 ہے۔رپورٹ میں کہا گیا ہے کہ ترقی کرنیوالی معیشتوں میں پاکستان کی اوسط تین اعشاریہ پانچ سے اوپر ہے ۔پاکستان میں اوسط عمر57 اعشاریہ آٹھ سال اور روزگار کی شرح51 اعشاریہ 7 فیصد ہے۔رپورٹ کے مطابق پاکستان میں غربت کی شرح 36 اعشاریہ9فیصد ہے