اسلام آباد(مانیٹرنگ ڈیسک) پاکستان تحریک انصاف کے ترجمان فواد چوہدری کے سینئر صحافی حامد میر بارے ٹویٹ نے سوشل میڈیا پر ہنگامہ کھڑا کر دیا۔ تفصیلات کے مطابق فواد چوہدری نے اخلاقیات کی تمام حدود کراس کرتے ہوئے سینئر صحافی حامد میر کے بارے میں انتہائی گھٹیا زبان استعمال کی۔
فواد چوہدری نے حامد میر کی ایک تصویر ’جس میں وہ گائے کا دودھ دوہ رہے ہیں‘ سوشل میڈیا ویب سائٹ ٹوئٹر پر شیئر کی اور لکھا کہ ” یہ ناقابل یقین ہے، مجھے اتنے بڑے منہ اور گائے کی۔۔۔ میں فرق کرتے ہوئے بہت وقت لگا“۔سوشل میڈیا پرشدید تنقید کے بعد فواد چوہدری نے اپنی غلطی کا احساس کرتے ہوئے اپنی مذکورہ ٹویٹ ڈیلیٹ کر دی۔ واضح رہے کہ گزشتہ دنوں حامد میر نے خراب دودھ کے حوالے سےایک خصوصی پروگرام کیا تھا اور ٹویٹ میں شیئر کی گئی تصویر اسی حوالے سے ہے۔ بعد ازاں فواد چوہدری نے یوٹرن لیا اور وہی تصویر ایک نئے لیبل کے ساتھ پوسٹ کی اور لکھا ” حامد میر اپنے خفیہ ذریعے کا دودھ دوہتے ہوئے“۔
