ڈھاکہ (آ ئی این پی ) بنگلہ دیش کی وزیر اعظم شیخ حسینہ واجد نے بھارتی فوج کے ہاتھوں بنگلادیشی شہریوں کی اموات کا معاملہ نریندر مودی کے سامنے اٹھانے کا اعلان کردیا۔ بنگلہ دیشی میڈیا کے مطابق حسینہ واجد نے فوج کے دبا پرسرحدوں پر دہشت گردی کی عادی بھارتی فوج کے ہاتھوں بنگلادیشی شہریوں کی اموات کا معاملہ بھارتی ہم منصب نریندر مودی کے سامنے اٹھانے کا اعلان کردیا۔
شیخ حسینہ واجد کی بھارت نواز پالیسی اور شہریوں کی اموات پر مسلسل خاموشی سے بنگلا دیشی فوج میں شدید تشویش پائی جاتی ہے جس کے باعث بنگلادیشی فوج کے دبا پر بھارت شیخ حسینہ نے فروری دوہزار سترہ میں نئی دہلی کے دورے کے دوران معاملہ نریندر مودی کیساتھ اٹھانے کااعلان کردیا۔بنگلہ دیش کے سیاسی مبصرین کے مطابق بھارت نے بنگلادیش اور دیگرپڑوسی ملکوں کے اندرونی معاملات میں مداخلت بڑھادی ہے نئی دہلی کے اس عمل سے خطے کے دیگر ممالک کے ساتھ بنگلادیش میں شدید تشویش پائی جاتی ہے۔واضح رہے کہ بھارتی بارڈر سیکیورٹی فورس سنہ 2000ء سے اب تک ایک ہزار پچپن بے گناہ بنگلادیشی شہریوں کو قتل کرچکی ہے۔
