اسلام آباد ( آئی این پی ) وزیر اعظم محمد نواز شریف نے کہا ہے کہ فوجی عدالتوں کے قیام میں توسع کیلئے سیاسی جماعتوں سے مشاورت شروع کر دی ہے ، فوجی عدالتوں کی مدت میں توسیع کیلئے آئینی ترمیم کی جائے گی۔تفصیلات کے مطابق وزیر عظم کی زیرصدارت وزیر اعظم ہاوس میں پاکستان کیخارجہ تعلقات پر اہم اجلاس ہو جس میں وزیر خزانہ اسحاق ڈار،مشیر برائے امور خارجہ سرتاج عزیز، وزیر اعظم کے معاون خصوصی طارق فاطمی ،وزیر داخلہ چوہدری نثار، آرمی چیف جنرل قمر جاوید باجوہ، ڈی جی آئی ایس آئی لیفٹیننٹ جنرل نوید مختار، قومی سلامتی کے مشیر لیفٹیننٹ جنرل (ر)ناصر خان جنجوعہاور دیگر اعلی حکام نے شرکت کی۔ اجلاس میں دہشتگردی کے خلاف آپریشن کی کامیابیوں کو دیر پا بنانے کا جائزہ لیا گیا ، دہشتگردی کے خلاف قطعی عدم برداشت کی پالیسی پر کار بند رہنے کے عزم کا اعادہ کیا گیا اجلا س میں داخلی اور علاقائی سلامتی کے امور پر تفصیلی غور کیا گیا ، انسداد دہشتگردی پر آپریشنز کے ثمرات کو مزید مستحکم بنانے کا جائزہ لی گیا دہشتگردی کی خلاف اقدامات بڑھانے پر زور دیا گیا ، دہشتگردی اور انتہا پسندی کے خلاف پاکستان کی زیرو ٹالرنس پالیسی ہے شرکا کا قومی پالیسی کے حصول کیلئے ہر سطح پر کوششیں جاری رکھنے کا عزم کیا گیا اس موقع پر وزیر اعظم نے کہا کہ وفاق نے فوجی عدالتوں کے قیام میں توسع کیلئے مشاورت شروع کر دی ہے فوجی عدالتوں کی مدت میں توسیع کیلئے آئینی ترمیم کی جائے گی انسداد دہشت گردی کی کارروائیوں کے ذریعے کی جانے والی کامیابیوں کو مضبوط بنایا جائے گا شرکا نے پاکستان کو اندرونی امن کے حصول کے لئے اپنی کوششوں کو جاری رکھنے اورامن کیلئے بھرپور کردار ادا کرنے پر اتفاق کیا۔