نیویارک(مانیٹرنگ ڈیسک) آپ ایک ایسی نوکری کی تلاش ہے جس میں آپ دنیا گھومناچاہتے ہوں،آپ کو کوئی کام بھی نہ کرنا پڑے اور تنخواہ لاکھوں میں ہو، تو جلدی سے درخواست دے دیں، یہ نوکری آپ ہی کے لیے ہے۔
امریکی کمپنی رائل کیریبین انٹرنیشنل کو ایک ”پروفیشنل چھٹیاں منانے والا شخص“ چاہیے جس کے لیے انہوں نے لوگوں سے درخواستیں طلب کر لی ہیں۔منتخب ہونے والے شخص کو کمپنی گرمیوں میں انٹرن شپ پر تین ہفتے کے لیے مختلف بحری جہازوں پر مختلف ممالک کے سفر پر بھیجے گی۔ اس دوران روزانہ مختلف مناظر کی تین تصاویر انسٹا گرام پر شیئر کرنی ہوں۔
کمپنی اس نوکری کے لیے منتخب شخص کو سالانہ 52ہزار پاؤنڈ(تقریباً80لاکھ روپے)کے تناسب سے تنخواہ دے گی۔ یعنی آپ اس تین ہفتے کی نوکری میں کمپنی کے خرچ پر کئی ممالک کی سیر بھی کر لیں گے اور لاکھوں روپے بھی کما لیں گے۔کمپنی کا کہنا ہے کہ ”سفر کے دوران جب بھی جہاز کسی ساحل سمندر پر رکے گا،
اس شخص کو وہاں مختلف مناظر کی تصاویر بنا کر روزانہ 3تصویریں انسٹاگرام پر پوسٹ کرنی ہوں گی۔ ہمیں کسی ایسے شخص کی تلاش ہے جو اس سفر کی یادیں بہترین انداز میںمحفوظ کر سکے۔ “کمپنی اپنے انسٹاگرام اکاؤنٹ کے ذریعے ہی درخواستیں وصول کر رہی ہے۔

موضوعات:نوکری