اسلام آباد ( آئی این پی ) وفاقی دارالحکومت میں ایک ہفتے کے دوران زیادتی کا دوسرا واقعہ رونما ہو گیا ، تھانہ آئی نائن کی حدود میں ایک گھر کے چوکیدار نے پندرہ سالہ لڑکی کو زیادتی کا نشانہ بنا ڈالا ، پولیس نے مقدمہ درج کرکے ملزم کو گرفتار کر لیا ۔تفصیلات کے مطابق اسلام آباد کے تھانہ آئی نائن کی حدود میں پندرہ سالہ لڑکی کو گھر کے چوکیدار نے زیادتی کا نشانہ بنایا ۔ تھانہ آئی نائن پولیس نے واقعے کا مقدمہ درج کرکے ملزم شعیب عباسی کو گرفتار کر لیا ۔ واضح رہے کہ گزشتہ ایک ہفتے کے دوران اسلام آباد میں یہ زیادتی کا دوسرا واقعہ ہے ۔ اس سے قبل سیاسی جماعت کے کارکن نے ملازمت کا جھانسہ دے کر لڑکی کے ساتھ زیادتی کی تھی ۔