اسلام آباد (نیوزڈیسک ) ایف آئی اے نے گورنرخیبرپختونخوااقبال ظفرجھگڑاکونئے چیف جسٹس ثاقب نثار بناکرپیش کرنے والے بلاگرکوگرفتارکرلیاہے۔تفصیلات کے مطابق مذکورہ بلاگر نے صدرممنون حسین ،وزیراعظم نوازشریف اورگورنرخیبرپختونخوااقبال ظفرجھگڑاکی ایک پرانی تصویرکونئے چیف جسٹس ثاقب نثار کی تصویربناکرپیش کیاتھاجس پرملک کے سیاسی حلقوں میں شدید تنقید کی گئی اوراس کاسپریم کورٹ نے بھی نوٹس لیاتھا۔
ایف آئی اے نے وفاقی وزیرداخلہ کی ہدایات پرتحقیقات کرتے ہوئے اس جعلی تصویرکوسوشل میڈیاپرپیش کرنے والے بلاگرکوگرفتارکیاتواس گرفتاربلاگرنے مزید بلاگرزکے بارے میں بھی بتایاکہ اس کے کچھ دوستوں نے بھی اس کاساتھ دیاتھاجس پرایف آئی اے نے اس کے دوست بلاگرزکوبھی حراست میں لے لیا۔دوران تفتیش ان بلاگرزنے بتایاکہ انہوں نے یہ تصویرسرچ انجن گوگل سے اٹھائی تھی اوربلاگ میں لگاکرسوشل میڈیاپروائرل کردیا۔رپورٹس کے مطابق بلاگر کو ایف آئی اے کی طرف سے ’’واٹس ایپ نمبر‘‘پرایک لیگل نوٹس وصول ہواجس میں ہدایت کی گئی کہ 31دسمبرکو ایف آئی اے اسلام آباد آفس پیش ہوں جس کے بعد اس نے متنا زعہ تصاویر فوری طورپر ہٹادیں اور گوگل کیشے کلیئرکرکے معذرت کرلی کہ وہ غلطی پر تھے ، نوٹس پر بلاگرز ایف آئی اے کے دفتر میں پہنچے اوراس کے بعد کسی کافون نہیں سناجارہا۔رپورٹ کے مطابق وفاقی وزیرداخلہ چوہدری نثار علی خان نے جعلی تصویر کے پیچھے موجود عناصر کی تحقیقات کی ہدایت کی تھی لیکن ذمہ داران کو پکڑنے کی بجائے ایف آئی اے نے آسان ہدف سمجھتے ہوئے بلاگرز کوپکڑناشروع کردیااور اب ان بلاگرز کو 14سال قید یا 50ملین روپے جرمانہ یا دونوں سزائیں ایک ساتھ بھی ہوسکتی ہیں۔