بنوں (این این آئی)راتوں رات ارب پتی بننے کی خواہش نے چار ملزمان کو حوالات پہنچا دیا۔ملزمان سے ڈیٹیکٹر ڈیوائس بر آمد ،لاشوں کی بے حرمتی کرنے کے جرم میں مقدمہ درج۔
ایس ایچ او ہوید محمد نور خان وزیر نے میڈیا کو تفصیلات بتاتے ہُوئے کہا کہ کئی ماہ سے ہوید کے علاقے میں قبروں میں سونا چاندی اور دیگر قیمتی ہیرے جواہرات کی تلاش میں لاشوں اور زیارتوں کی بے حرمتی کا سلسلہ جاری تھا جس پر ڈسٹرکٹ پولیس آفیسر نے ڈی ایس پی عمر حیات خٹک اور مجھے سپیشل ٹاسک حوالے کیاجس کیلئے ہم نے علاقے میں مخبر چھوڑ دیئے اور خود مختلف قبرستانوں میں رات گزاریں بالاخروہ گروہ جو رات کی تاریکی میں ان قبروں جو قیام پاکستان سے پہلے بنائے گئے ہیں جس کے بارے میں عام تاثر یہ پایا جا رہا تھا کہ انگریز و ہندوں نکلنے کے دوران ان قبرستانوں میں ہیرے جواہرات اور سونا چاندی چھپا کر زیارتوں کا نام دیا ہے یہ گروہ بھی راتوں رات ارب پتی بننے کی لالچ میں آندھے ہو کر قبروں کی بے حرمتی کی گئی تھی جس پر علاقہ عوام میں شدید غم و غصہ تھا
ہوید پولیس نے ایک ماہ کی دن رات کوششوں کے بعد ملوث ملزمان عارف اللہ ،سعود الرحمن ،میر اللہ جان اور تحصیل خان کو گرفتار کر لیا ہے اُن کا کہنا تھا کہ ان کیساتھ ملے ہوئے گروہ کی تلاش بھی جاری ہے بہت جلد اُنہیں قانون کے کٹہرے میں لا کھڑا کریں گے ملزمان سے زمین کے اندر اشیاء کی تشخیص کرنے والا آلہ بھی بر آمد کر لیا ہے۔
