لاہور(آئی این پی) باکمال لوگ لاجواب سروس،پی آئی اے کا ایک اور کارنامہ ،ٹورنٹو سے لاہور آنے والے مسافر حارث منظور کا سامان ہی گم کردیا ۔تفصیلات کے مطابق پی آئی اے نے اپنی روایت برقرار رکھتیہوئیٹورنٹو سے لاہور آنے والے مسافر کا سامان گم کر دیا، جوہر ٹاون کے رہائشی حارث منظور نے بتایاکہ ہفتے کیروز ٹورنٹو سے پی آئی اے کی پرواز798 کے ذریعے لاہور پہنچا،

یہاں آکرمعلوم ہواکہ تیئس کے جی کے دوبیگز نہیں پہنچے جن میں کچھ ذاتی سامان اور فیملی کے لیے خریداگیاسامان تھاحارث منظور نے بتایا کہ چار روز گزر جانے کے باوجود پی آئی اے کی جانب سے کچھ نہیں بتایا جا رہا بلکہ اب شکایت نمبر بھی تبدیل کر دیا گیا لیکن سامان کاکچھ پتہ نہیں چل سکا، حارث منظور نے بتایا کہ سامان اپ لوڈ ہوا لیکن لاہور پہنچ کر سامان نہیں ملا جس کی ساری ذمہ داری پی آئی انتظامیہ پر عائد ہوتی ہے ،حارث منظور نے پی آئی اے کے افسران بالا سے جلد مسئلہ حل کرنے کامطالبہ کیاہے۔