اسلام آباد(مانیٹرنگ ڈیسک) دنیا کے سب سے بڑے ویب سرچ انجن گوگل نے پاکستانیو ں کی انٹرنیٹ پر سرچ بارے حیران کن رپورٹ جاری کر دی۔ گوگل کے مطابق پاکستان میں رواں سال 2016 ء میں سب سے زیادہ سرچ کی جانے والی شخصیات میں پہلے نمبر پر قندیل بلوچ کا نام ہے۔
اسی طرح بالترتیب امجد صابری کو دوسرے، عبد الستار ایدھی تیسرے، ڈونلڈ ٹرمپ چوتھے، مومنہ مستحسن پانچویں، ممتاز قادری چھٹے ، پریشا بینرجی ساتویں، ہیلری کلنٹن آٹھویں، میلینا ٹرمپ نویں اور ڈی جے براوو(دسویں) کو سب سے زیادہ سرچ کیا گیا۔
واضح رہے کہ سال 2016 ء میں پاکستان میں سب سے زیادہ سرچ کی جانیوالی شخصیت گلوکارہ قندیل بلوچ تھیں جنہیں ان کے بھائی نے ملتان میں غیرت کے نام پر قتل کر دیا تھا۔