واشنگٹن (آئی این پی)نومنتخب امریکی صدر ڈونلڈ ٹرمپ نے اپنا کاروباربیٹوں کے سپرد کرنے کا اعلان کرتے ہوئے کہا ہے کہ وہ 20 جنوری سے قبل اپنا کاروبار اپنے بیٹوں ڈون اور ایرک اور دیگر عہدیداران کے حوالے کر دیں گے اور انکے دور صدارت میں کوئی نیا کاروباری معاہدہ نہیں کیا جائے گا ۔
امریکی میڈیا کے مطابقگزشتہ روز دیر گئے ٹوئٹر پر ٹرمپ کی طرف سے یہ بیان ایسے وقت سامنے آیا ہے جب کہ کچھ دن بعد ہی انھوں نے ذرائع ابلاغ کو یہ بتانا تھا کہ وہ کیسے خود کو اپنے کاروبار سے علیحدہ رکھیں گے تاکہ بطور صدر اپنی ذمہ داریاں نبھانے کے دوران “مفادات کا تصادم” نہ ہو۔ یہ پریس بریفنگ اب ملتوی کر دی گئی ہے۔ان کے ایک قریبی ساتھی نے بتایا کہ اب یہ تفصیلات جنوری میں کسی وقت جاری کی جائیں گی۔
ٹرمپ نے ٹوئٹر پر کہا کہ وہ 20 جنوری سے قبل اپنا کاروبار اپنے بیٹوں ڈون اور ایرک اور دیگر عہدیداران کے سپرد کر دیں گے اور انھوں نے عزم ظاہر کیا کہ ان کے دور صدارت میں “کوئی نیا کاروباری معاہدہ نہیں کیا جائے گا۔نو منتخب صدر کی تقریب حلف برداری 20 جنوری کو ہو گی۔