کراچی(مانیٹرنگ ڈیسک) پاکستان کے صوبہ سندھ کے شہر گھوٹکی کے علاقے رانوتی میں اپنی نوعیت کے لحاظ سے دنیا کا پہلا منفرد احتجاج ہوا۔ 2014 ء میں گھوٹکی کے قریب ڈاکوؤں نے باقاعدہ پولیس کے خلاف احتجاجی مظاہرہ کیا اور میڈیا کے ذریعے اپنے مظاہرے کی کوریج بھی کروائی ہے۔راکٹ لانچر اور خطرناک اسلحہ ہاتھ میں اٹھائے سلطوگینگ کے ڈاکوؤں کا کہنا تھا کہ آج کل لوگوں نے اپنی سیکورٹی کے انتظامات سخت کر لئے ہیں اور اس وجہ سے دھندے میں مندہ چل رہا ہے جبکہ پولیس ہر ڈاکو سے کام کاج کے دنوں کی طرح ایک لاکھ روپے ماہوار بھتہ وصول کرنے میں مصروف ہے۔
سلطو گینگ کے ڈاکوؤں نے الزام عائد کیا کہ پولیس ان سے ماہانہ بھتہ لیتی ہے ، دھندہ چل رہا ہو یا اس میں مندہ ہو اس کے باجود ر ڈاکوپولیس کو ماہانہ ایک لاکھ روپیہ دیتاہے ۔ان کا کہناہے کہ ہم جرائم کی زندگی ترک کرناچاہتے ہیں مگر پولیس ہمیں ایسانہیں کرنے دیتی۔
اوباڑہ کے قریب کچے علاقے میں ڈاکوؤں نے پولیس کے خلاف الزام عائدکیا کہ پولیس ہی انہیں اسلحہ بھی لا کر دیتی ہے بلکہ ان کے ہاتھ فروخت کرتی ہے اغواء برائے تاوان میں بھی پولیس کی حصے داری ہوتی ہے ڈاکوؤں کے مطابق کچے کے علاقے میں جتنے بھی آپریشن ہوئے ہیں وہ سب اعلی حکام کو بیوقوف بنانے اور بجٹ ہڑپ کرنے کے لئے ہوئے ہیں۔