اسلام آباد(نیوز ڈیسک)شمالی کوریا نے امریکی سفیر پر ہونے والے حملے کو جنوبی کوریا کے شہریوں کا امریکی مخالف جذبات کا عکس قرار دے دیا۔گزشتہ روز ایک شخص نے چاقو سے حملہ کر کے جنوبی کوریا میں امریکی سفیر کو زخمی کر دیا تھا۔شمالی کوریا نے اس حملے کو جنوبی کوریا میں امریکی مخالفانہ جذبات کا عکس قرار دیا۔حملہ آور چاہتا تھا کہ امریکا اور جنوبی کوریا کی مشترکہ فوجی مشقیں ختم ہوجائیں تاکہ شمالی اور جنوبی کوریا کے تعلقات بحال ہو سکیں،ملزم 1999 سے 2007 کے دوران شمالی کوریا کا بھی دورہ کرتا رہا،جس کی تحقیقات جاری ہیں،55 سالہ شخص اس سے پہلے 2010 میں جاپانی سفیر پر بھی حملہ کر چکا ہے۔