اسلام آباد (مانیٹرنگ ڈیسک)امریکامیں ایک ایسا اونٹ سامنے آیا ہے جو اپنے ساتھ اندھی گھوڑ ی کے گائیڈ کا کام کرتا ہے ۔ تفصیلات کے مطابق امریکا کے سفری چڑیا گھر میں ایک ایسا اونٹ منظرعام پر آیا ہے جو کہ اپنے ساتھ اندھی گدھی کو گائیڈ کر تا ہے ۔ معروف جریدے کو ایڈ پاپسس نے بتا یا ہے کہ ڈولی نامی گھوڑی پچھلے 10سال سے ہمارے پاس ہے ، یہ پہلے بالکل ٹھیک تھی مگر حال ہی میں اس کی آنکھوں کی بنیائی چلی گئی ہے ۔
پاپسس کا مزید بتا یا ہے کہ سیزر نام کا اونٹ ان کے چڑیا گھر بہت اہم اور مقبول ترین جانور ہے، چڑیا گھر کی انتظامیہ نے اونٹ کے تنہا ہونے پر اندھی گھوڑی کو اس کے ساتھ چھوڑ دیا ، ان کا خیال تھا کہ اس سے سیزر کی تنہائی بھی ختم ہو جائے گی اور دونوں آپس میں گھل مل بھی جائیں گے ۔ تاہم جلد ہی سیزر اور ڈولی کی دوستی ہو گئی ۔ دونوں نے ایک دوسرے کے ساتھ کھانا اور رہنا شروع کر دیا ۔ ان کا مزید کہنا تھا کہ اب ڈولی سیزر کی رہنمائی پر اپنے چلتی پھرتی ہے ۔ دلچسپ بات یہ ہے کہ جب سیزر ڈولی سے ذرا بھی دور ہو جائے تو یہ بے اختیار ہنہنانا شرو ع کر دیتی ہے ۔