ممبئی(نیوز ڈیسک) بالی ووڈ اداکار جیکی شیروف نے کہا ہے کہ اپنے بیٹے ٹائیگر شیروف کے ساتھ کام کرنے کے لئے بے چین ہوں تاہم اس کے لئے اچھے اسکرپٹ کا انتظار ہے۔ میڈیا سے گفتگو کرتے ہوئے انہوں نے کہا کہ بطور باپ مجھے اپنے بیٹے ٹائیگر پر فخر ہے وہ انڈسٹری میں بہت اچھا کام کر رہا ہے۔ انہوں نے کہا کہ لوگ ہم سے پوچھتے ہیں کہ کب ہم دونوں ایک ساتھ اسکرین پر جلوہ گر ہونگے تو میں انہیں یہ بتانا چاہتا ہوں کہ میں خود بھی اپنے بیٹے کے ساتھ کام کیلئے بیتاب ہوں. تاہم اس کے لئے مجھے ابھی اچھے اسکرپٹ کا انتظار ہے’ انہوں نے کہا کہ فلم ”ڈرٹی پالیٹکس” میں میرا کردار بہت مضبوط ہے اور یقیناً شائقین اس فلم میں میرے کردار کو پسند کریں گے۔