واشنگٹن (آئی این پی)نومنتخب امریکی صدرڈونلڈ ٹرمپ نے دعوی کیا ہے کہ اگر امریکا میں غیرقانونی ووٹنگ نہ ہوتی تو پاپولرووٹ بھی وہی جیتتے۔غیر ملکی میڈیاکے مطابق ڈونلڈ ٹرمپ نے سوشل میڈیا پرایک بیان میں کہا کہ اگرلاکھوں لوگوں کی جانب سے ڈالے گئے غیرقانونی ووٹوں کوشمارنہ کیا جائے تو پاپولرووٹ بھی انھوں نے ہی جیتے ہیں انھوں نے یہ الزام بغیرکسی ثبوت کے لگایا ہے ریپبلکن ڈونلڈ ٹرمپ نے الیکٹرول کالج ووٹ کے ذریعے امریکی صدارتی انتخاب میں تاریخی کامیابی حاصل کی ہے جبکہ ان کی حریف ڈیموکریٹک پارٹی کی امیدوارہلیری کلنٹن نے ٹرمپ کے مقابلے میں بیس لاکھ سے زائد پاپولرووٹ حاصل کیے تھے۔واضح رہے کہ گرین پارٹی کی صدارتی امیدوار جل اسٹین امریکی ریاست وسکونسن میں ووٹوں کی دوبارہ گنتی کی درخواست دے چکی ہیں۔