کراچی(مانیٹرنگ ڈیسک) سربراہ پاک بحریہ کے سربراہ ایڈمرل ذکااللہ نے کہاہے کہ خطے میں امن کی کوششوں کو پاکستان کی کمزوری نہ سمجھا جائے۔انہوں نے کہاکہ بھارت کی کسی بھی مہم جوئی کا منہ توڈ جواب دیا جائے گا۔
ترجمان پاک بحریہ کے مطابق پاک بحریہ کے سربراہ ایڈمرل ذکا اللہ نے ملکی حدود میں ہونے والی پاک چین بحری مشقوں کا معائنہ کیا۔مشقوں کے معائنہ کیلئے آمد پر چینی جہاز کے سینئرکیپٹن چی شنگ تاؤ نے نیول چیف ایڈمرل ذکااللہ کا استقبال کیا۔اس دورے کے دوران نیول چیف ایڈمرل ذکااللہ نے چینی بحریہ کے افسروں سے ملاقاتیں کیں، جب کہ پی این یونٹس کا دورہ بھی کیا۔
اس موقع پر گفت گو کرتے ہوئے سربراہ پاک بحریہ کے سربراہ ایڈمرل ذکااللہ نے کہاکہ خطے میں امن کی کوششوں کو ہماری کمزوری نہ سمجھا جائے، ہر مہم جوئی کا منہ توڑ جواب دیں گے۔انہوں نے مشقوں کا ذکر کرتے ہوئےکہاکہ مشترکا مشقوں سے دو طرفہ شراکت داری کو فروغ ملے گااورچین کے ساتھ مسقبل میں بھی ایسی مشقیں جاری رہیں گی ۔
