اسلام آباد(آن لائن)محکمہ موسمیات نے آئندہ 24گھنٹوں کے دوران ملک کے بیشتر علاقوں میں موسم سرد اور خشک رہنے کی پیشن گوئی کردی ، پنجاب کے میدانی علاقوں میں صبح کے اوقات میں ہلکی دھند پڑنے کا امکان ہے۔فورکاسٹنگ آفیسر محمد ایاز کے مطابق آئندہ 48گھنٹوں کے دوران ملک کے بیشتر علاقوں میں موسم سرد اور خشک رہیگا تاہم مالاکنڈ، ہزارہ ڈویژن، گلگت بلتستان اور کشمیر میں بعض مقامات پرہلکی بارش اور پہاڑوں پر برفباری کا امکان ہے۔ جبکہ پنجاب کے میدانی علاقوں میں صبح کے اوقات میں ہلکی دھند پڑنے کا امکان ہے۔گزشتہ 24 گھنٹوں کے ووران ملک کے بیشتر علاقوں میں موسم سرد اور خشک رہا۔ان کا مزید کہنا تھا کہ آج ریکارڈ کیے گئے سرد ترین مقامات کے درجہ حرارت:سکردو منفی 06، قلات منفی 02، گوپس، گلگت اور ہنزہ منفی 01جبکہ لاہور میں کم سے کم 09، اسلام آباد 05، کراچی 14، پشاور 08، چترال اور کوئٹہ میں 01، گلگت اور ہنزہ میں منفی 01تک رہنے کا امکان ہے ۔