لاہور(آئی این پی) وزیر مملکت برائے اطلاعات و نشریات مر یم اورنگز یب نے کہا ہے کہ ڈان کی خبر کے معاملے پر کمیشن بن چکا ہے ہمیں اسکے فیصلے کا انتظار کر ناچاہیے ‘موجودہ حکومت تمام فیصلے ملکی اور قومی مفادات کو سامنے رکھ کرتی ہے اور ملک کو مضبوط بنا رہے ہیں ‘معلومات تک رسائی کے بل کا کر یڈٹ بھی موجودہ حکومت کا جاتا ہے ‘ہم چاہتے ہیں ویج بورڈ کو بھی صحافیوں کی سیفٹی اور سیکورٹی کے بل میں شامل کرلیا تاکہ
اس پر بھی ہمیشہ کیلئے قانون سازی ہوجائے ‘نیوزپیپر ایپلنٹ ٹریبونل کے حج کا بہت جلد تقرر کر دیا جائیگا۔ جمعہ کو یہاں لاہور پر یس کلب کے دورہ کے موقع پر صدر پر یس کلب شہبا زمیاں ‘سیکرٹری شاداب ریاض کے ہمراہ صحافیوں سے گفتگو مر یم اور نگزیب نے کہا کہ نیوز لیک کے معاملے پر وفاقی وزیر داخلہ چوہدری نثار علی خان نے کمیشن قائم کر دیا ہے جو مکمل طور پر آزاد اور خودمختاری کیساتھ کام کر رہا ہے وہ کس طر ح تحقیقات کر تا ہے اور کیا فیصلہ آتا ہے ہمیں اس کے فیصلے کا انتظار کر نا چاہیے۔
انہوں نے کہا کہ موجودہ حکومت ہر فیصلہ ملک اور قوم کے مفادات کو سامنے رکھ کر کرتی ہے اور ہم ملک میں جمہو ریت اور اداروں کو مضبوط بنا رہے ہیں۔ انہوں نے کہا کہ صحافیوں کی فلاح وبہبود اور انکی ٹر یننگ کے حوالے سے حکومت بھر پور اقدامات کر رہی ہے اور صحافیوں کی سیفٹی اور سیکورٹی کے بل کا ڈرفٹ تیار ہو چکا ہے جو بہت جلد میڈیا ہاوسز اور صحافیوں تنظیموں کو بھی غور کیلئے دیا جائیگا اور آئندہ 2تک ماہ اسکی منظوری بھی دیدیے جائیگی۔
