اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر سیاستدان ندیم افضل چن نے دعویٰ کیا ہے کہ جنرل راحیل شریف نے گزشتہ دو سالوں میں ہمیشہ نواز حکومت کو بچایا ہے۔ نواز شریف کو جب بھی مشکلات کا سامنا ہوا تو راحیل شریف (ن) لیگی حکومت کو ریسکیو کرتے رہے ہیں۔ ندیم افضل چن نے کہا کہ نواز شریف بہت زیادہ طاقتور شخصیت ہیں اور جنرل راحیل شریف ان کے ساتھ کھڑے ہوئے ہیں اسلئے مجھے ایسا لگتا ہے کہ نواز شریف سپریم کورٹ میں کیس جیت جائیں گے ۔ ماضی میں آئی ڈی پیز ، دھرنا، اور ڈان لیکس کی خبروں میں نواز شریف کو ہمیشہ راحیل شریف نے سپورٹ کی ہے۔ اگر کوئی اور وزیر اعظم ہوتا، پی پی کا یا پنجاب کا کوئی کمزور وزیر اعظم ہوتا تو اب تک بہت کچھ ہو چکا ہوتا۔ ندیم افضل چن نے کہا کہ میں اپنی اوقات سے زیادہ کھل کر بات کر چکا ہوں اور مجھے بہت کچھ نظر آ رہا ہے۔ جنرل راحیل شریف نواز شریف کے ساتھ ہیں اسلئے انہیں کچھ نہیں ہوگا۔

afzhchn ndmmlk by minahilsheryar